“Sağlam Həyat Uğrunda” Gənclərin İctimai Birliyi tərəfindən Azərbaycan Respublikasının Prezidenti yanında Gənclər Fondunun dəstəyi ilə 7- ci qrant çərşivəsində Ağcabədi rayonunda “Bizdə bacararıq” adlı layihənin ilk tədbirləri keçirilmişdir. 
Layihənin əsas məqsədi gənclərin istedad və bacarıqlarına dəstək olmaq, gənclərin asudə vaxtının səmərəli təşkilinə dəstək, incəsənət, idman və digər sahələr üzrə uşaq, yeniyetmə və gənclərin motivasiya olunmasına dəstək olmaqdır.
       Layihə çərçivəsində ilk tədbir 23 dekabr 2015 ci il tarixində  Ağcabədi rayon, Xocavənd kənd tam orta məktəbinin və Xocavənd kənd musiqi məktəbinin, 25 dekabr 2015-ci il tarixində isə Ağcabədi rayon, Sarıcalı kənd musiqi məktəbinin istedadlı şagirdlərinin iştirakı ilə təşkil edilmişdir. Tədbirdə çıxış edən Xocavənd kənd musiqi məktəbinin direktoru İbadət Ağayev, Xocavənd kənd tam orta məktəbinin direktoru Zahir İbrahimov,Sarıcalı kənd musiqi məktəbinin direktoru İlham Məmmədov  və Ağcabədi rayon Gənclər və İdman İdarəsinin əməkdaşı Zaur Turabov layihənin region uçun çox vacib bir məqsəd daşıdığını vurğulamış, bu gün yaradıcı gənclərə cənab prezident İlham Əliyev və Mehriban xanım Əliyeva tərəfindn göstərilən dəstəkdən, yaradılan münbit şəraitdən bəhs edərək layihə iştirakçılarına uğurlar arzulamışlar.
Daha sonra gənclərin teatr səhnələri, musiqi nömrələri təqdim olunub, rəqslər və digər yaradıcılıq nümunələri nümayiş etdirilib.